*क्रीडामहोत्सवातील अनुभव आयुष्यभर प्रेरणादायी ठरतात - के.मंजुलक्ष्मी*
सिंधुदुर्ग जिल्हास्तरीय बाल कला ,क्रीडा व ज्ञानी मी होणार महोत्सवाचा उद्घाटन सोहळा नुकताच सिंधुदुर्गनगरी येथे डॉन बास्को विद्यालयाच्या भव्य पटांगणावर मोठ्या उत्साहात संपन्न झाला. सिंधुदुर्ग जिल्हा परिषदेने एकवीस वर्षापूर्वी सुरु केलेला क्रीडा महोत्सव संपूर्ण महाराष्ट्रात अनुकरणीय ठरत असून आज या क्रीडा महोत्सवाला राज्य स्तरीय क्रीडा स्पर्धांचे स्वरूप प्राप्त झाल्याचे दिसून येत आहे. सिंधुदुर्ग जिल्हा परिषदेच्या सिंधू एक्सपो,बांधावरची शाळा,इस्रो सफर यासारख्या अनेक नावीन्यपूर्ण उपक्रमांची महाराष्ट्राने दखल घेतली आहे. याचे खरे शिलेदार शिक्षक व विद्यार्थी आहेत. सिंधुदुर्ग जिल्हा परिषदेने ऑलिंपिक स्पर्धेचे अधिक जलद ,अधिक बलवान अधिक बुद्धिमान हे घोषवाक्य स्वीकारून, त्याप्रमाणे विद्यार्थ्यांना अधिक जलद ,अधिक उंच,अधिक बलवान बनवण्यासाठी गेली २१ वर्षे सातत्याने क्रीडा महोत्सवाचे आयोजन केले आहे. या क्रीडा महोत्सवातील अनुभव विद्यार्थ्यांना जीवन जगताना निश्चितच प्रेरणादायी ठरतील असे मत सिंधुदुर्ग जिल्हा परिषदेच्या मुख्य कार्यकारी अधिकारी के.मंजुलक्ष्मी यांनी उद्घाटन प्रसंगी व्यक्त केले . या प्रसंगी सिंधुदुर्ग जिल्हा परिषद समाज कल्याण सभापती यांनी शिक्षण विभागाच्या सकारात्मक भूमिकेचे कौतुक करून यावर्षी बदलत्या काळानुसार क्रीडा स्पर्धेमध्ये आवश्यक बदल घडवून या महोत्सवाला नाविन्यता प्राप्त करून दिल्या्बद्दल शिक्षण विभागाला विशेष धन्यवाद दिले.
 |
| सिंधुक्रीडा महोत्सवाचे उद्घाटन करताना मु.का.अधि.के.मंजुलक्ष्मी ,प्रो.कबड्डी स्टार खेळाडू सिध्दार्थ देसाई शिक्षणाधिकारी आंबोकर साहेब |
सिंधुदुर्ग जिल्हास्तरीय बाल कला ,क्रीडा व ज्ञानी मी होणार महोत्सवाचा उद्घाटन सोहळा नुकताच सिंधुदुर्गनगरी येथे डॉन बास्को विद्यालयाच्या भव्य पटांगणावर मोठ्या उत्साहात संपन्न झाला. सिंधुदुर्ग जिल्हा परिषदेने एकवीस वर्षापूर्वी सुरु केलेला क्रीडा महोत्सव संपूर्ण महाराष्ट्रात अनुकरणीय ठरत असून आज या क्रीडा महोत्सवाला राज्य स्तरीय क्रीडा स्पर्धांचे स्वरूप प्राप्त झाल्याचे दिसून येत आहे. सिंधुदुर्ग जिल्हा परिषदेच्या सिंधू एक्सपो,बांधावरची शाळा,इस्रो सफर यासारख्या अनेक नावीन्यपूर्ण उपक्रमांची महाराष्ट्राने दखल घेतली आहे. याचे खरे शिलेदार शिक्षक व विद्यार्थी आहेत. सिंधुदुर्ग जिल्हा परिषदेने ऑलिंपिक स्पर्धेचे अधिक जलद ,अधिक बलवान अधिक बुद्धिमान हे घोषवाक्य स्वीकारून, त्याप्रमाणे विद्यार्थ्यांना अधिक जलद ,अधिक उंच,अधिक बलवान बनवण्यासाठी गेली २१ वर्षे सातत्याने क्रीडा महोत्सवाचे आयोजन केले आहे. या क्रीडा महोत्सवातील अनुभव विद्यार्थ्यांना जीवन जगताना निश्चितच प्रेरणादायी ठरतील असे मत सिंधुदुर्ग जिल्हा परिषदेच्या मुख्य कार्यकारी अधिकारी के.मंजुलक्ष्मी यांनी उद्घाटन प्रसंगी व्यक्त केले . या प्रसंगी सिंधुदुर्ग जिल्हा परिषद समाज कल्याण सभापती यांनी शिक्षण विभागाच्या सकारात्मक भूमिकेचे कौतुक करून यावर्षी बदलत्या काळानुसार क्रीडा स्पर्धेमध्ये आवश्यक बदल घडवून या महोत्सवाला नाविन्यता प्राप्त करून दिल्या्बद्दल शिक्षण विभागाला विशेष धन्यवाद दिले.
या क्रीडा महोत्सवाचे खास आकर्षण म्हणजे प्रो. कबड्डी स्टार खेळाडू सिद्धार्थ देसाई उर्फ बाहुबली उद्घाटन सोहळ्यात उपस्थित होते .उद्घाटन प्रसंगी विद्यार्थ्यांशी संवाद साधताना ते म्हणाले की खेळाच्या मैदानावर अपार कष्ट ,,जिद्द व सातत्य ठेवले तर आपणही सिद्धार्थ देसाई उर्फ बाहुबली बनू शकता.यावेळी देवगड पंचायत समिती सभापती सुनिल पारकर यांनीही विद्यार्थ्यांना शुभेच्छा दिल्या.
डॉन बॉस्कोच्या भव्य पटांगणावर उभारलेल्या भव्य शामियान्यात क्रीडा स्पर्धेचे उद्घाटन करताना समाज कल्याण सभापती अंकुश जाधव, देवगड पंचायत समिती सभापती सुनिल पारकर ,देवगड पंचायत समितीच्या माजी सभापती आडिवरेकर मॅडम , वैभववाडी पंचायत समिती सभापती अक्षता ढाबळे, उपसभापती चेंदवणकर मॅडम ,प्राथमिक शिक्षणाधिकारी एकनाथ आंबोकर, उपशिक्षणाधिकारी रामकृष्ण आंगणे ,डॉन बॉस्को विद्यालयाचे मुख्याध्यापक जॉनथन रूबेरो ,सर्व तालुक्यांचे गटशिक्षणाधिकारी, शिक्षक संघटनांचे पदाधिकारी आदी मान्यवर उपस्थित होते.
क्रीडा स्पर्धा निकोप वातावरणात यशस्वीपणे पार पाडाव्यात व प्रतिभावंत खेळाडूंचा शोध घेता यावा यासाठी मागील वर्षापासून क्रीडा स्पर्धेमध्ये काही नव्याने बदल करण्यात आलेले असून, या बदलाप्रमाणे केंद्रस्तरापासून तालुकास्तरापर्यंतच्या क्रीडास्पर्धा अतिशय चांगल्या पद्धतीने पार पडल्या आहेत. यावर्षी ज्ञानी मी होणार ही स्पर्धा केंद्रस्तरापासून ऑनलाईन घेण्यात आली आहे. विद्यार्थ्यांना, शिक्षकांना व पालकांना क्रीडा स्पर्धेचा आनंद घेता यावा यासाठी यावर्षीपासून सेल्फी पॉइंट ही नवीन संकल्पना राबविण्यात आली आहे. जिल्हास्तरीय क्रीडा स्पर्धाही यशस्वी करण्यासाठी सर्व शिक्षक व प्रशासन विभाग गेले अनेक दिवस अविरत मेहनत घेत असून ,सिंधुदुर्ग जिल्हा परिषदेच्या पदाधिकाऱ्यांचे यासाठी मोलाचे सहकार्य मिळत असल्याचे मत प्राथमिकचे शिक्षणाधिकारी एकनाथ आंबोकर यांनी आपल्या स्वागतपर प्रास्ताविकात व्यक्त केले.
या उद्घाटन सोहळ्यास आवर्जून उपस्थित असलेले प्रो. कबड्डी स्टार खेळाडू महाराष्ट्र सुपुत्र सिद्धार्थ जाधव यांचा सिंधुदुर्ग जिल्हा परिषदेच्या मुख्य कार्यकारी अधिकारी के .मंजूलक्ष्मी यांच्या हस्ते सत्कार करण्यात आला.देवगड तालुक्यातील पुरळ कळंई या प्राथमिक शाळेत शिकत असलेला धर्मेश पुजारी याने राष्ट्रीय स्तरावर गोळाफेक प्रकारात मिळवलेल्या यशाबद्दल त्याचेही मुख्य कार्यकारी अधिकारी के . मंजूलक्ष्मी यांचे हस्ते सत्कार करण्यात आला .याप्रसंगी सिंधूक्रीडा महोत्सवासाठी अल्पोपहार व भोजनाची व्यवस्था करणाऱ्या जुनी पेन्शन संघटनेचे अध्यक्ष प्रवीण पाताडे, ग्रामसेवा विकास मंडळ उंबर्डेचे विजय पांचाळ यांचा मान्यवरांच्या वतीने सत्कार करण्यात आला. केंद्रस्तरापासून जिल्हास्तरापर्यंत प्रथमोपचार पेटी सुविधा पुरविणारी संस्था उमेद फाउंडेशन यांचे जिल्हा अध्यक्ष मुकुंद शिंगारे यांचा तसेच या क्रीडा स्पर्धेसाठी भव्य पटांगण उपलब्ध करून देणाऱ्या डॉन बॉस्को स्कूलचे मुख्याध्यापक जॉनथन रुबेरो यांचाही सत्कार करण्यात आला . सिंधु क्रीडा महोत्सवाच्या ध्वनिफीत निर्मितीसाठी विशेष योगदान देणाऱ्या रश्मी आंगणे, सचिन जाधव ,राजू वजराटकर, पुनम पालव यांचाही सत्कार करण्यात आला.
उद्घाटन सोहळ्यापूर्वी साटेली भेडशी व नं.४ या प्रशालेच्या विद्यार्थ्यांनी सादर केलेले समूहनृत्य लक्षवेधी ठरले.तर उद्घाटनानंतर स्टार प्रो कबड्डी खेळाडू सिद्धार्थ देसाई यांच्या सोबत सेल्फी काढण्याचा माहोल क्रीडा महोत्सवाचे खास आकर्षण ठरले.
पडवे शाळेच्या विद्यार्थ्यांनी मान्यवरांना मानवंदना दिली. शाम सावंत रश्मी आणणे व राजेश कदम यांच्या निवेदनाने उद्घाटन सोहळ्यास रंगत आणली,तर आभार उपशिक्षणाधिकारी रामचंद्र आंगणे यांनी मानले.
==================================
कोणत्याही टिप्पण्या नाहीत:
टिप्पणी पोस्ट करा